Anmelden

Einloggen

Username *
Password *
an mich erinnern

E laange Wee mam Grand-Duc Jean
Op dëser Plaz, wou mer ons all Joer op Nationalfeierdag freeën, ass et dëst Joer
ons traureg Flicht un den Doud vum Grand-Duc Jean, onsem Schirmhär zënter
1939, ze erënneren. Mir wäerten natierlech och wéi all Joer Nationalfeierdag
feieren, ma mir trauere virun allem ëm dës grouss Perséinlechkeet, déi duerch all
déi Joere vu sengem “Haut Patronage” onser Liga trei zur Säit stoung.
Déi Foto, déi mer an dëser Ausgab publizéieren, ass déi selwecht wéi déi an
onser Verbandszäitschrëft aus dem Joer 1939, wéi hien op Demande vun der
Groussherzogin Charlotte seng Schirmherrschaft ugetrueden huet.
Hie selwer an onst Land stoungen deemools virun haarden Zäiten, un déi
eng Rei vun ons sech nach gutt kënnen erënneren. Mir fannen, datt dës
Foto am allerbeschten dee laange Peripel vu sengem Regnum erëm gëtt,
grad wéi och déi laang Zäit vu sengem Héije Patronage fir ons Klenggäertner.
Mir wäerten hie fir ëmmer an onsen Häerzer behalen!
Dir fannt an dëser Ausgab och de Rapport vun onsem Kongress an
d’Zesummesetzung vum neie Comité, wou sech zënter dem leschte Joer net vill
geännert huet, ma do hate mer jo e groussen neien Départ geholl, an d’Équipe
muss sech lo weider bewähren.
Mir haten um Kongress en Appel fir den “Dag vun der oppener Gaardepäertchen”
gemat a mir freeën ons Iech matzedeelen, datt mer eng ganz Rei nei Gäertner
konnten iwwerzeege fir matzemaachen. Mir hoffen, datt Der zu vill vun dësem
traditiounsräichen Dag wäert profitéieren, fir de Klenggäertnerkollegen hir Gäert
besichen ze goen.
No all dem Gedeessems ëm d’Steierfuerderungen un ons Sektioun
Terra Préizerdall, ass d’Demande fir d’Remise gracieuse lo mol op de Rôle gesat ginn.
Dat heescht, et gëtt nach keng Decisioun; mir hunn e Répit, ma nach laang keng
definitiv Léisung. Mir bleiwen natierlech um Ball!
Wéi versprach, dann och Neiegkeeten aus de rezente Legislatiounen,
déi all ons Sektioune concernéieren. Am Plaz se hei ze beschreiwen, drécke mer
se op Säit 141 “wichtige Mitteilung an die Sektionen” mat allen Detailer an
Instruktiounen of.
Mir wäerten déi betreffend Dokumenter och demnächst op den Internetsite
setzen, wou Dir d’Modelle fannt, fir alles ze organiséieren.
Vu datt ons Mataarbechter nëmme begrenzte Valenzen hunn, kënne mer net all
Ofwécklunge fir Iech maachen. Am Prinzip musst Der en Accès op Luxtrust
hunn, fir all déi Donnéeën eranzeginn an da kënnt Der mat dëse Modellen
d’Situatioun vun Ärer Sektioun regulariséieren. Et geet awer och mat der
Nummer vun der Identitéitskaart.
Mir hu wëlles den 21. September e Séminaire ze organiséieren, fir ons zesummen
iwwer all dat ze ënnerhalen, ma virun allem, Iech konkret ze informéieren iwwer
all di Probleme, déi op Iech an ons all duerkommen.
D’Gaardesaison ass elo voll amgaang. Loosse mer ons op onst Haaptgeschäft
konzentréieren an iwwer all deenen administrative Komplikatiounen ons Gäert
net ze kuerz komme loossen!

Martine V2

Dr Martine Mergen
Présidente

         
 
 

Zum Seitenanfang